Ný stjórn Forritara framtíðarinnar

Ný stjórn var kjörin á aðalfundi Forritara framtíðarinnar sem fram fór á dögunum. Inn í stjórnina koma Klara Berta Hinriksdóttir f.h. Reiknistofu bankanna, og Guðrún Vala Ólafsdóttir sem óháður aðili.

Ný stjórn Forritara framtíðarinnar: Sindri Ólafsson, Sunneva Þorsteinsdóttir, Klara Berta Hinriksdóttir, Guðrún Vala Ólafsdóttir og Hjalti Harðarson

Stjórn sjóðsins skipa því nú:

  • Formaður stjórnar: Sindri Ólafsson, Marel
  • Gjaldkeri: Klara Berta Hinriksdóttir, Reiknistofa bankanna
  • Ritari: Sunneva Þorsteinsdóttir, CCP Games
  • Meðstjórnandi:  Hjalti Harðarson, Landsbankinn
  • Óháður stjórnarmaður: Guðrún Vala Ólafsdóttir, Vatnsendaskóla

Sjóðurinn „Forritarar framtíðarinnar” er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Um er að ræða samstarfsverkefni aðila atvinnulífsins. Framtíðarsýn sjóðsins er að auka fræðslu og áhuga á meðal barna og unglinga á forritun og tækni.
Úthlutun úr sjóði Forritara framtíðarinnar fyrir árið 2023 fór fram á vormánuðum og styrkti sjóðurinn alls 30 skóla um sem nemur rúmlega 5,5 milljónum króna.


Hollvinir sjóðsins árið 2023 eru Reiknistofa bankanna, Landsbankinn, CCP Games, Íslandsbanki, Marel, Bentley Systems og WebMo design. Auðvelt er að gerast hollvinur á vefnum www.forritarar.is

Úthlutun 2023

Úthlutun ársins 2023 er lokið og í ár styrkir sjóðurinn 30 skóla um sem nemur rúmum 5,5 milljónum króna. Styrkir skiptast í tvo meginflokka, annars vegar er úthlutað um 3,7 milljónum króna vegna námskeiða sem kennarar geta sótt til að efla sig í forritunarkennslu og hins vegar um 1,8 milljónum króna til kaupa á smátækjum í forritunar- og tæknikennslu auk úthlutunar á notuðum tölvubúnaði sem hollvinir FF gefa sjóðnum árlega.

Ljóst er að þörf skóla er mikil á þessu sviði því í ár var sótt um styrki sem í heild nam tæpum 37 milljónum króna og því ljóst að ekki var hægt að veita öllum styrk sem sóttu um. Þegar valið var úr umsóknum var horft til þess hvort skólar hafi sótt um og fengið styrk síðasta skólaár og var sett þak á styrkina; að hámarki var hægt að fá 250 þúsund króna styrk til að sækja námskeið í forritunarkennslu og að hámarki var hægt að fá 150 þúsund króna styrk til tækjakaupa.

Eftirtaldir 30 skólar fengu styrk í ár og óskum við þeim innilega til hamingju: Álftamýrarskóli, Stekkjaskóli, Vesturbæjarskóli, Engjaskóli, Waldorfskólinn Lækjarbotnum, Skarðshlíðarskóli, Hrafnagilsskóli, Vatnsendaskóli, Stórutjarnaskóli, Árbæjarskóli, Borgaskóli, Tálknafjarðarskóli, Njarðvíkurskóli, Grunnskólinn í Þorlákshöfn, Nesskóli Neskaupstað, Lindaskóli, Reykholtsskóli, Grunnskóli Snæfellsbæjar, Álftanesskóli, Sérdeild Suðurlands- Sunnulækjarskóli, Grunnskólinn Hellu, Grunnskóli Fjallabyggðar, Fellaskóli – Fljótsdalshéraði, Urriðaholtsskóli, Víkurskóli Vík í Mýrdal, Sunnulækjarskóli, Garðaskóli, Grunnskóli Grundarfjarðar, Egilsstaðaskóli og Ísaksskóli.

Við vonumst til að styrkurinn komi að góðum notum og styðji við hlutverk Forritara framtíðarinnar að efla forritunar- og tæknimenntun í skólum landsins.

Hollvinir sjóðsins árið 2023 eru: RB, Íslandsbanki, Landsbankinn, Marel, CCP, Bentley Systems, Webmo design og Rapyd. Þökkum kærlega fyrir stuðninginn og bendum á að nýir hollvinir eru alltaf velkomnir.

Sjóðurinn „Forritarar framtíðarinnar” er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Um er að ræða samstarfsverkefni aðila atvinnulífsins. Framtíðarsýn sjóðsins er að auka fræðslu og áhuga á meðal barna og unglinga á forritun og tækni.

Stjórn Forritara framtíðarinnar:
Arnheiður Guðmundsdóttir, Ský
Hjalti Harðarson, Landsbankinn
Linda Björg Stefánsdóttir, RB
Sindri Ólafsson, Marel
Sunneva Þorsteinsdóttir, CCP

Opið fyrir umsóknir á styrkjum 2023

Nú er opið fyrir umsóknir á styrkjum frá Forriturum framtíðarinnar fyrir árið 2023. Eins og fyrri ár er hægt að sækja um námskeiðsstyrk fyrir kennara til forritunar- og tæknikennslu og yfirfarinn notaðan tölvubúnað ásamt styrk til kaupa á minni tækjum í forritunar- og tæknikennslu.

HÆGT ER AÐ SÆKJA UM:
– Námskeiðsstyrk fyrir kennara til forritunar- og tæknikennslu
– Tölvubúnað; notaðar borðvélar, skjáir, mýs og lyklaborð sem eru yfirfarnar af kerfistjórum  hollvina FF
– Styrk til kaupa á minni tækjum í forritunar- og tæknikennslu

Hægt er að sækja um styrk í einum eða fleiri af ofangreindum flokkum og er umsóknarformið undir valmyndinni SKÓLAR efst á síðunni.

SKILYRÐI STYRKVEITINGA
Skólinn tilgreinir þá fjárupphæð sem hann telur sig þurfa í þeim flokkum sem sótt er um. Ekki er hægt að lofa því að skólinn fái styrk fyrir allri upphæðinni sem sótt er um.
Ath. Úthlutun styrkja sem sótt er um gildir fyrir skólaárið 2023-2024. Eldri ónýttir styrkir falla sjálfkrafa niður 30. apríl 2023.
Bendum á Spurt og svarað ef eitthvað er óljóst varðandi styrki.

UMSÓKNARFRESTUR ER TIL 15. MAÍ 2023 OG NIÐURSTAÐA ÚTHLUTUNAR VERÐUR TILKYNNT Í TÖLVUPÓSTI Í BYRJUN JÚNÍ.

Hollvinir sjóðsins árið 2023 eru Reiknistofa bankanna, Landsbankinn, CCP, Íslandsbanki , Marel, Bentley Systems, Valitor og WebMo design.

Ný stjórn Forritara framtíðarinnar

Ný Stjórn Forritara framtíðarinnar

Ný stjórn var kjörin á aðalfundi Forritara framtíðarinnar sem fram fór á dögunum. Inn í stjórnina koma Sindri Ólafsson f.h. Marel, Hjalti Harðarson f.h. Landsbankans og Sunneva Þorsteinsdóttir f.h. CCP. Þau taka við af þeim Friðriki G. Guðjónssyni, Birgittu Strange og Sigfríði Sigurðardóttur sem víkja úr stjórninni og er þeim þakkað fyrir störf sín í þágu sjóðsins. 

Stjórn sjóðsins skipa því nú:

  • Formaður stjórnar: Sindri Ólafsson, Marel
  • Gjaldkeri: Linda Björg Stefánsdóttir, Reiknistofa bankanna
  • Ritari: Sunneva Þorsteinsdóttir, CCP
  • Meðstjórnandi:  Hjalti Harðarson, Landsbankinn
  • Óháður stjórnarmaður: Arnheiður Guðmundsdóttir, Ský

Sjóðurinn „Forritarar framtíðarinnar” er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Um er að ræða samstarfsverkefni aðila atvinnulífsins. Framtíðarsýn sjóðsins er að auka fræðslu og áhuga á meðal barna og unglinga á forritun og tækni. Úthlutun úr sjóði Forritara framtíðarinnar fyrir árið 2022 fór fram á vormánuðum og styrkti sjóðurinn alls 18 skóla um sem nemur rúmlega 5 milljónum króna.

Hollvinir sjóðsins árið 2022 eru Reiknistofa bankanna, Landsbankinn, CCP, Össur, Íslandsbanki, Marel, Bentley Systems og WebMo design. 

Ný stjórn Forritara framtíðarinnar: Arnheiður Guðmundsdóttir, Sindri Ólafsson, Hjalti Harðarson, Linda Björg Stefánsdóttir og Sunneva Þorsteinsdóttir.

Úthlutun ársins 2022 lokið

Úthlutun úr sjóði Forritara framtíðarinnar hefur nú farið fram og styrkti sjóðurinn 18 skóla sem nemur rúmlega 5 milljónum króna í ár. Styrkir skiptast í tvo meginflokka, annars vegar er úthlutað um 1,9 milljónum króna vegna námskeiða sem kennarar geta sótt til að efla sig í forritunarkennslu og hins vegar er úthlutað um 3,4 milljónum króna til kaupa á smátækjum í forritunar- og tæknikennslu ásamt úthlutun á notuðum tölvubúnaði sem hollvinir FF gefa sjóðnum árlega. Skólarnir sem fengu styrk í ár eru: Höfðaskóli Skagaströnd, Patreksskóli, Barnaskólinn á Eyrarbakka og Stokkseyri, Hvassaleitisskóli, Sjálandsskóli, Skarðshlíðarskóli, Flataskóli, Grunnskóli Borgarfjarðar, Grunnskólinn á Ísafirði, Salaskóli, Sandgerðisskóli, Grunnskólinn á Hólmavík, Setbergsskóli, Kársnesskóli, Brúarásskóli, Kerhólsskóli í Grímsnesi, Grunnskóli Vestmannaeyja og Vogaskóli.

Ljóst er að þörf skóla er mikil á þessu sviði því í ár var sótt um styrki sem í heild nam rúmum 10 milljónum króna og því var ekki hægt að veita öllum styrk sem sóttu um. Þegar valið var úr umsóknum var horft til þess hvort skólar hafi sótt um og fengið styrk síðasta skólaár og var sett þak á styrkina; að hámarki var hægt að fá 200 þúsund króna styrk til að sækja námskeið í forritunarkennslu og að hámarki 250 þúsund króna styrk til tækjakaupa.  Við vonumst til að styrkurinn komi að góðum notum og styðji við hlutverk Forritara framtíðarinnar sem er að efla forritunar- og tæknimenntun í skólum landsins. Við þökkum hollvinum sjóðsins kærlega fyrir þeirra framlag.

Hollvinir sjóðsins árið 2022 eru: RB, Íslandsbanki, Landsbankinn, Marel, CCP, Bentley Systems og Webmo design.

Stjórn Forritara framtíðarinnar:
Arnheiður Guðmundsdóttir, Skýrslutæknifélag Íslands
Birgitta Strange, Marel
Friðrik Guðjón Guðnason, Landsbankinn
Linda Björg Stefánsdóttir, Reiknistofu bankanna
Sigfríður Sigurðardóttir, CCP