by Elsa Ágústsdóttir | okt 28, 2020 | Fréttir
Aðalfundur Forritara framtíðarinnar fór fram 9. október síðastliðinn. Á fundinum var kosin ný stjórn sem skipt hefur með sér verkum.
Í stjórn forritara framtíðarinnar eru: Friðrik G. Guðnason, forstöðumaður Högunar hjá Landsbankanum (formaður stjórnar), Elsa M. Ágústsdóttir, forstöðumaður markaðs- og samskiptamála hjá RB (gjaldkeri), Sigfríður Sigurðardóttir, skrifstofustjóri hjá CCP (meðstjórnandi) og Arnheiður Guðmundsdóttir, framkvæmdastjóri Ský (óháður).
Úr stjórn fer Bjarki Snær Bragason, deildarstjóri hugbúnaðardeildar hjá Össuri sem jafnframt var gjaldkeri. Stjórn þakkar honum vel unnin störf. Í stað hans kemur Baldur Knútsson, forstöðumaður hugbúnaðarþróunar hjá Össuri kemur nýr inn í stjórn (gjaldkeri.)
by Elsa Ágústsdóttir | jún 22, 2020 | Fréttir
Forritarar framtíðarinnar hafa nú lokið úthlutun styrkja fyrir þetta ár og hlutu 29 grunnskólar styrki sem nema 9 milljónum króna. 1,5 milljón rann til námskeiða innan skólanna en 7,5 milljónir til kaupa á smærri tækjum í forritunar og tæknikennslu ásamt úthlutun á notuðum tölvubúnaði. Ljóst er að þörfin á stuðningi á þessu sviði er mikil en í ár var sótt um styrki sem í heild nema yfir 40 milljónum króna og ekki var hægt að veita öllum styrk sem sóttu um. Mestur áhugi var fyrir því að fá styrki til kaupa á minni tækjum en einnig er mikið sótt um styrki fyrir námskeið og notaðan tölvubúnað. Hægt var að sækja um í eftirfarandi flokkum:
- Námskeiðsstyrk fyrir kennara til forritunar- og tæknikennslu.
- Tölvubúnað; notaðar borðvélar, skjáir, mýs og lyklaborð sem eru yfirfarnar af kerfisstjórum hollvina FF.
- Styrk til námsefnisgerðar í forritunar- og tæknikennslu.
- Styrk til kaupa á minni tækjum í forritunar- og tæknikennslu (ekki tölvur).
Skólarnir sem fengu styrk í ár eru: Álftanesskóli, Bíldudalsskóli, Dalvíkurskóli, Egilsstaðaskóli, Flataskóli, Flúðaskóli, Foldaskóli, Giljaskóli, Grenivíkurskóli, Grunnskóli Fáskrúðsfjarðar, Gunnskóli Grunarfjarðar, Grunnskólinn í Stykkishólmi, Háaleitisskóli, Hlíðaskóli, Höfðaskóli, Kársnesskóli, Landakotsskóli, Laugarnesskóli, Myllubakkaskóli, Norðlingaskóli, Njarðvíkurskóli, Sjálandsskóli, Skarðshlíðarskóli, Táknafjarðarskóli, Valsárskóli, Varmahlíðarskóli, Vesturbæjarskóli, Víkurskóli og Vogaskóli.
„Við stöndum frammi fyrir því að hér er skortur á fólki menntuðu í upplýsingatækni. Börn og unglingar verja miklum tíma í notkun tækni en brýnt er að þjálfa og mennta þau til að nýta sér tæknina í víðari skilningi – og spilar sjóðurinn þar mikilvægt hlutverk. Háskólar landsins útskrifa tæknimenntað fólk sem annar um það bil 50% eftirspurnar atvinnulífsins og á næstu árum er því þörf fyrir að minnsta kosti 100% aukningu á þessu sviði til þess að brúa bilið. Á sama tíma er mikill skortur á tækni- og tölvukennslu í grunn- og framhaldsskólum landsins,” segir Sigfríður Sigurðardóttir formaður stjórnar Forritara framtíðarinnar.
Forritarar framtíðarinnar er sjóður sem stofnaður var 2014 með þann tilgang að efla forritunar- og tæknimenntun í grunn- og framhaldsskólum landsins. Hollvinir sjóðsins í ár eru RB, Landsbankinn, CCP, Össur, Íslandsbanki og Webmo design. Vitað er að mikil þörf er á sjóðnum til að tengja saman viðskiptalífið, menntastofnanir og aðra hagsmunaaðila með það að leiðarljósi að sem flest ungmenni öðlist þá grunnhæfni sem til þarf til að verða forritarar framtíðarinnar.
by Arnheiður Guðmundsdóttir | mar 31, 2020 | Fréttir
Búið er að opna fyrir umsóknir hjá Forriturum framtíðarinnar fyrir árið 2020.
Eins og fyrri ár er hægt að sækja um námskeiðsstyrk fyrir kennara til forritunar- og tæknikennslu og yfirfarinn notaðan tölvubúnað. Í ár verður einnig hægt er að sækja um styrk til námsefnisgerðar í forritunar- og tæknikennslu og styrk til kaupa á minni tækjum í forritunar- og tæknikennslu. Þessari nýjung sem var í boði í fyrsta sinn 2019 var tekið vel og allmargir sem fengu styrki þá.
HÆGT ER AÐ SÆKJA UM:
- Námskeiðsstyrk fyrir kennara til forritunar- og tæknikennslu.
- Tölvubúnað; notaðar borðvélar, skjáir, mýs og lyklaborð sem eru yfirfarnar af kerfistjórum hollvina FF.
- Styrk til námsefnisgerðar í forritunar- og tæknikennslu.
- Styrk til kaupa á minni tækjum í forritunar- og tæknikennslu.
Hægt er að sækja um styrk í einum eða fleiri af ofangreindum flokkum.
SKILYRÐI STYRKVEITINGA
Skólinn tilgreinir þá fjárupphæð sem hann telur sig þurfa í þeim flokkum sem sótt er um.
Ekki er hægt að lofa því að skólinn fái styrk fyrir allri upphæðinni sem sótt er um.
- Ef sótt er um styrk til námsefnisgerðar er skilyrði að námsefnið sé opið með Create Commons og sé skilað inn til Forritara Framtíðarinnar sem mun gera það aðgengilegt á heimasíðu sinni þannig að aðrir skólar geti nýtt efnið.
- Ef sótt er um styrk til kaupa á minni tækjum í forritunar- og tæknikennslu þarf skólinn að tryggja að sótt sé námskeið í notkun tækjanna.
UMSÓKNARFRESTUR ER TIL 15. MAÍ 2020
by Elsa Ágústsdóttir | jún 11, 2019 | Fréttir
Fréttatilkynning 10. júní 2019:
Fleiri skólar en áður sækja um styrk til Forritara framtíðarinnar
— Styrkir til skóla nema 12 milljónum króna. Nýjar úthlutunarreglur sjóðsins auka möguleika í styrkveitingum. Styrkir ná nú til námsefnisgerðar og minni tækja.
Mikil ánægja er með nýjar áherslur Forritara framtíðarinnar og umsóknir frá skólum hafa aldrei verið fleiri. Tilgangur sjóðsins er að efla forritunar- og tæknimenntun í grunn- og framhaldsskólum landsins.
Í ár styrkir sjóðurinn 30 skóla um sem nemur tæpum 12 milljónum króna að andvirði. Styrkur skiptast í tvo meginflokka, annars vegar tæpar 7,8 milljónir vegna námskeiða, námsefnisgerðar og kaupa á smærri tækjum í forritunar og tæknikennslu, og hins vegar rúmar 4,2 milljónir króna vegna tölvubúnaðar. Ljóst er að þörf skóla er mikil á þessu sviði því í ár var sótt um styrki sem í heild nema yfir 40 milljónum króna.
Að loknum stefnumótunarfundi með hagsmunaaðilum sjóðsins í vor voru gerðar breytingar á úthlutunarreglum sjóðsins þannig að styrkir næðu líka til námsefnisgerðar í forritunar- og tæknikennslu að því tilskyldu að námsefnið gæti nýst víðar og til kaupa á minni tækjum til nota við slíka kennslu. Þetta er viðbót við styrki sem áður hafa verið veittir til námskeiða fyrir kennara í forritunar- og tæknikennslu og tölvubúnaðar sem nýtist í skólum eftir að hafa verið gerður upp og yfirfarinn.
Þeir skólar sem fengu styrki á árinu eru: Sangerðisskóli, Vatnsendaskóli, Giljaskóli, Fellaskóli, Ingunnarskóli, Holtaskóli, Háaleitisskóli Reykjanesbæ, Leikskólinn Álfaheiði, Árskóli, Hrafnagilsskóli, Klébergsskóli, Bíldudalsskóli, Selásskóli, Smáraskóli, Grunnskóli Seltjarnarness, Skarðshlíðaskóli, Fossvogsskóli, Oddeyrarskóli, Foldaskóli, Flataskóli, Vættaskóli, Brekkubæjarskóli, Nesskóli, Gunnskólinn Hellu, Njarðvíkurskóli, Norðlingaskóli, Bláskógarskóli, Hólabrekkuskóli, Fellaskóli Fellabæ, Húnavatnsskóli og Háteigsskóli. Við óskum þeim öllum til hamingju og hvetjum þá sem ekki fengu styrk í ár til að sækja um aftur á næsta ári.
Sigfríður Sigurðardóttir, formaður stjórnar Forritara framtíðarinnar:
„Breytingarnar koma í kjölfar samráðs við þá sem notið hafa stuðnings Forritara framtíðarinnar. Okkur þótti mikilvægt að hlusta á hverjar þarfir þeirra væru og þróa sjóðinn í takt við breytingar í umhverfi skólanna og laga starfsemi hans að þörfum þeirra. Með þessu uppfyllum við betur markmið sjóðsins, sem er að stuðla að aukinni fræðslu og áhuga meðal barna og unglinga á forritun og tækni, að tækjavæða skólana, auka þjálfun og endurmenntun kennara og stuðla að því að forritun verði hluti af námskrá grunn- og framhaldsskóla. Það gleður okkur mjög hversu góðar viðtökur nýjar áherslur sjóðsins hafa fengið og við hlökkum til áframhaldandi uppbyggingar og samstarfs við grunn- og framhaldsskóla landsins.“
Um Forritara framtíðarinnar:
Sjóðurinn Forritarar framtíðarinnar er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Hollvinir sjóðsins eru RB, Íslandsbanki, Landsbankinn, CCP, Icelandair, Össur, KOM ráðgjöf, Webmo design og Mennta- og menningarmála-ráðuneytið.
Nánari upplýsingar veitir Sigfríður Sigurðardóttir, stjórnarformaður Forritara framtíðarinnar og skrifstofustjóri CCP, í síma 697-3691. Sjá einnig www.forritarar.is.
by Arnheiður Guðmundsdóttir | apr 4, 2019 | Fréttir
Stjórn Forritara framtíðarinnar fékk nokkra aðila með sér í stefnumótunarvinnu í mars til að skerpa á starfssviði sjóðsins. Eðalhópur sem kom með margar frábærar hugmyndir að því hvernig framlag sjóðsins geti styrkt sem best við það markmið að efla og auka áhuga á forritun og hagnýtingu á tækni í skólum landsins. Þökkum þeim sem tóku þátt kærlega fyrir þeirra framlag.
Þátttakendur í stefnumótun 2019
by Elsa Ágústsdóttir | apr 1, 2019 | Fréttir
Búið er að opna fyrir umsóknir hjá Forriturum framtíðarinnar fyrir árið 2019. Í fyrra fengu 30 skólar víðs vegar á landinu úthlutaðan fjárstyrk úr sjóðnum. Heildarúthlutun sjóðsins fyrir árið 2018 var 4.100.000 í formi fjárstyrkja og 4.550.000 í formi tölvubúnaðar.
Eins og fyrri ár er hægt að sækja um námskeiðsstyrk fyrir kennara til forritunar- og tæknikennslu og yfirfarinn tölvubúnað. Í ár verður einnig hægt er að sækja um styrk til námsefnisgerðar í forritunar- og tæknikennslu og styrk til kaupa á minni tækjum í forritunar- og tæknikennslu. Þetta er nýjung hjá sjóðnum sem við vonumst til að skólar sjái hag í.
HÆGT ER AÐ SÆKJA UM:
- Námskeiðsstyrk fyrir kennara til forritunar- og tæknikennslu.
- Tölvubúnað; notaðar borðvélar, skjáir, mýs og lyklaborð sem eru yfirfarnar af kerfistjórum hollvina FF.
- Styrk til námsefnisgerðar í forritunar- og tæknikennslu. (NÝTT)
- Styrk til kaupa á minni tækjum í forritunar- og tæknikennslu. (NÝTT)
Hægt er að sækja um styrk í einum eða fleiri af ofangreindum flokkum.
SKILYRÐI STYRKVEITINGA
Skólinn tilgreinir þá fjárupphæð sem hann telur sig þurfa í þeim flokkum sem sótt er um. Ekki er hægt að lofa því að skólinn fái styrk fyrir allri upphæðinni sem sótt er um.
- Ef sótt er um styrk til námsefnisgerðar er skilyrði að námsefnið sé opið með Create Commons og sé skilað inn til Forritara Framtíðarinnar sem mun gera það aðgengilegt á heimasíðu samtakanna þannig að aðrir skólar geti nýtt efnið.
- Ef sótt er um styrk til kaupa á minni tækjum í forritunar- og tæknikennslu þarf skólinn að tryggja að sótt sé námskeið í notkun tækjanna.
UMSÓKNARFRESTUR ER TIL 30. APRÍL 2019
